COLLAR成員So Ching自從去年7月因男友李啟言（阿Mo）在MIRROR演唱會上遭巨屏壓傷後，一直全面停工，衣不解帶的照顧阿Mo，直至昨晚（1日）終於回歸，COLLAR全團齊人出席《2022年度叱咤樂壇流行榜頒獎典禮》，並奪得「生力軍組合金獎」及「叱咤樂壇組合銅獎」。
相隔半年回歸舞台的So Ching跳唱時狀態大勇，和隊員合拍非常，So Ching說歸隊心情是興奮及開心：「隔咗半年同7位成員喺台上表演，好開心有呢個獎，多謝fans。」她說阿Mo就如代禱信中所說，情況愈來愈好，平時會靠siri來溝通，並說新年願望只有一個，就是希望大家繼續為阿Mo祈禱。
問到阿Mo是否支持復工，So Ching說：「我哋一直有共識，佢好支持我每一個決定，佢好開心見到我活躍返，因為呢樣嘢對佢嚟講，係治療同康復路上好大嘅動力，所以我都相信佢係會好嘅，希望大家可以為佢多多祈禱。（男友點樣鼓勵你？）兩個人對話唔係記得咁清楚，但好sweet。」
本月12日是COLLAR出道1周年，在紀念前夕難得全員上陣，芯駖心情激動得哭起來，她說：「因為呢排都好忙，大家都好攰，覺得大家都好厲害，同埋好多謝fans等我哋咁耐。」Gao說：「『我哋係COLLAR』呢句由day 1介紹自己，到今日企返上嚟講，係好有意義。」Marf說因為沒有用耳機，所以能聽到現場觀眾的聲音，感覺特別：「因為我哋好鍾意表演，現場聽到嗰種支持，再見到台下好多人，係好感動。」Day因頭暈不適，未有在後台接受訪問。
相片來源：my903.com 商業電台fb , So Ching fb
Comments