Edan輸波被罰彈額頭。
Edan好波！
左起：肥仔、193、姜濤、Edan、Stanley及Ian。
在劇中ERROR及MIRROR成員是跟張繼聰（左4）同一球隊。
Edan和袁澧林被指戲假情真。
MIRROR成員呂爵安（Edan）近日被傳和文青女神袁澧林拍拖，消息指他們合演劇集《I SWIM》及電影《闔家辣》後戲假情真，更指他們平時在ig分享的相片中，隱藏拍拖證據，包括Edan受訪時所坐的梳化，跟袁澧林家中的梳化一樣，又指他們曾穿情侶裝等等。
昨日（21日）Edan和MIRROR成員姜濤、陳卓賢（Ian）及邱士縉（Stanley）、ERROR成員梁業（肥仔）和郭嘉駿（193）及張繼聰等，出席ViuTV劇集《季前賽》記者會，對於突如其來的戀聞，Edan直言之前有聽說過：「係假，唔係嗰回事，我哋只係好朋友！我唔係喺佢屋企影相，我聽過呢個傳聞，只不過係佢同我合作次數比較高，佢喺《闔家辣》入面又演我女朋友，令大家有咁嘅疑惑。我有睇相入面嘅背景，好明顯張梳化係唔同嘅，而且好多裝修都有類似嘅雲石，所以唔係咁嘅一回事，多謝大家關心！」
休息逾2個月的Edan，被問到復工心情如何，以及情緒是否已平伏，他說各人心情不同：「係好複雜，大家要時間去消化，呢段時間亦諗多咗嘢，大家同公司傾過，覺得2個月出返嚟工作，都係經過公司評估，依家可以出來工作會畀心機。」對於姜濤早前跟家人外遊卻遭批評，Edan即為姜濤護航︰「始終我哋係呢一段時間嘅關注度比較高，如果想放鬆，未必有咁多選擇，反而出國會容易啲平伏思緒，沉澱吓，有良好空間思考同休息。」
至於所屬的公司至今仍未就演唱會意外清楚交待事件，做法被外間質疑，Edan說︰「我哋好明白大家嘅諗法，大家可能會覺得點解會咁樣，一直都唔出聲。我哋都會問公司係乜嘢情况，以我哋所知，公司一直做緊好多嘢，始終已經進入司法程序，佢哋暫時未必可以公開講好多資訊出嚟，有好多嘢唔講得住。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #MIRROR #mirrorhk #mirror應援 #mirrorweare #季前賽 #ViuTV原創劇 #WEGOTGAME #makerville #Edan #edanlui #edanlui呂爵安 #爵屎 #呂爵安 #袁澧林 #AngelaYuen #angelayuen袁澧林
Opmerkingen