在嚴寒下，天王黎明（Leon）於周六（17日）及周日（18日）一連兩晚於中環海濱活動空間舉行《Drive In Ultra: LOVFINITY Vivienne Tam x Leon Lai Fashion Concert》，破天荒結合演唱會及時裝騷。王丹妮先率領一眾模特兒行時裝騷，並獻唱Lady Gaga的《Born This Way》，之後Leon登場當然引起全場哄動！
身穿皮褸chok爆上陣的Leon，原來這件皮褸是拍《原振俠》時穿着拍攝，他說在90年代購入，衫鈕已變黑，只能以擦膠清潔︰「我喺紐約睇過Vivienne Tam嘅時裝騷，佢係一位傑出又百分百由香港行出國際嘅時裝設計師。而我就係喺香港拍劇，慢慢再唱歌到現在同大家見面。我點解着呢件皮褸，因為好多fashion都同歷史有關，呢件皮褸我九幾年拍攝《原振俠》時着過，所以特別同大家分享一下，都幾擋風！今日搵返呢件皮褸嘅歷史價值，我記得拍劇時，我冇穿過呢件衫唱歌。」連唱《那有一天不想你》、《眼睛想旅行》及《願你今夜別離去》的他，向來少跳舞，但當唱到《眼睛想旅行》時跳得非常起勁，激罕！
身為金句王的Leon大派金句，他說相信就快捱過疫情，又叫觀眾猜他曾否中招外，更分享接種新冠疫苗的經歷︰「好神奇，我第1針打左手，右手手指尾抽筋，第2、3針打右手，都係左手手指尾抽筋。打完第3針後，7月有同事中招，我嘅抗體值有40000；兩個月後又有同事中招，我再驗抗體值，有38000。我10月時打第4針仍然有抽筋，我發現抽筋代表我有抗體。中又好，冇中又好，總之大家健健康康就Good Luck﹗」
難得公開露面，Leon向現場歌迷送上祝福︰「我相信喺聖誕、農曆年唔會公開見到大家，提早講聖誕快樂，恭喜發財！2023年快到，我唔祝福大家，總之你哋許願，有七成實現已經好好。新一年，希望大家做到自己勝任嘅工作。」鄭欣宜以表演嘉賓身分現身，獻唱《先哭為敬》和《豐乳肥臀》，而王丹妮獻唱《營火蟲》後，和設計師Vivienne Tam及模特兒們一起謝幕。
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #黎明 #LeonLai #leon黎明 #金句 #金句王 #明福俠 #lovefinity #VivienneTam #leonlaifashionconcert #王丹妮 #鄭欣宜 #原振俠 #願你今夜別離去 #眼睛想旅行 #driveinultra #中環海濱
Comments