COLLAR成員So Ching及Winka前晚（12日）舉行首個二人音樂會《Calbee追尋你的塊樂之魂音樂會》，So Ching及Winka為粉絲們「師弟妹」及「泳瓜」落力跳唱，並分享心路歷程，Winka說：「由獨立音樂人到成為 COLLAR 嘅一份子經歷好多轉變，但唯一無變嘅係我依然熱愛唱歌，享受舞台，期望今年能夠與 COLLAR各位成員為大家帶來更多精彩嘅演出同埋多元化嘅發展。」
Soching說：「今晚見到大家好支持我哋，好感動！希望下次可以8個一齊搞音樂會，繼續堅持夢想，做好每次演出，再一次感謝各位無條件支持。」音樂會結束後粉絲不肯離場，經理人阿Wing安撫粉絲離開時，不慎露口風：「我哋演唱會見！」其後兩人再度出場，清唱一小段《Where Did You Go》及《Call My Name!》。
騷後So Ching與Winka受訪，Winka自認演出不少失準，只給自己60分：「一開始就喊、發台瘟，因為太過緊張。屋企人同細佬嚟咗，細個唱歌時細佬話我唱得好難聽，知佢係口是心非，唱歌時望到細佬，再望到So Ching就頂唔順，落台即刻胃痛。」至於So Ching則十分謙虛的說表現只有50分：「唱《當我迷失時聽著的歌》有一兩下想甩，因為好多屋企人都嚟咗，首歌係關於屋企，要避開佢哋眼神先唱到。」
至於COLLAR何時舉行演唱會，Winka說不清楚能否在年底前開，So Ching說：「循序漸進，每件事都有進程，唔想逼自己，太過逼自己做一啲未ready或者唔鍾意嘅事，會做得唔好，慢慢嚟。」她說男友李啟言（阿Mo）知道她開騷：「佢話加油，你一定得嘅。」外，對於阿Mo的康復進展，她說需要時間，至於看護能否為她分擔，她說：「依家都係了解中，唔係咁容易請到。普遍嘅人會咁諗，但要教啲看護、工人，要好多時間令佢哋熟習，咁我先安心交畀佢哋。」
相片來源：#boxingpromotionshk
Comments