無綫藝人蔣家旻在台慶劇《美麗戰場》中飾演「反骨琪」一角，奸到出汁，人見人憎，個個喊打，可見其演技更上一層樓，大批網民希望她可以角逐視后外，坦言睇《美》劇是因為她！常處心積慮害「鍾家寶」陳瀅的蔣家旻，在昨晚（20日）播出的一集中，終於開始要為自己所作的惡行「找數」！大批網民留言叫好，指「反骨琪」抵死，又說這集看得開心興奮，因「反骨琪」終於要自食其果，大快人心！
蔣家旻向江湖人物「威爺」李成昌獻計，計劃讓他迷姦陳瀅，當一切準備就緒後，威爺手下本叫她一起離開房間，但她堅持逗留，並大大聲當着暈在床上的陳瀅面前，說了一番毫無人性的說話：「我梗係留喺度睇戲啦！咁難得可以睇我哎吔家姐被人搞喎！我仲特登帶部機錄低佢，如果唔係嘅話，聽日點樣send啲打真軍嘅dvd畀全港記者睇？」就連威爺的手下也罵她：「你真係幾仆街喎！」她聞言即冷笑：「係呀！我真係好仆街！」
害人終害己！陳瀅被經理人陳山聰救走，留下了喝了點酒便暈倒的蔣家旻，李成昌入房後見到美色在前，霸王硬上弓，蔣家旻無力反抗下被強姦！被污辱後在鏡前垂淚的蔣家旻，一邊叫自己不要哭，一邊咒罵是陳瀅害自己，咬牙切齒的說要對方十倍奉還，這場戲更見功力！
蔣家旻接受無綫娛樂新聞台訪問時，說拍這場戲前感到有壓力：「因知道劇集嘅尺度唔係好大。昌哥係一位好好嘅前輩，佢明白拍呢啲戲，女仔係辛苦過男仔，我哋事前溝通得好好，佢會話畀我知佢一陣會做啲咩，我唔會有任何唔舒服嘅感覺。導演葉念琛希望我嗌救命嘅程度，係要嗌到隔籬房都聽到。我覺得好合理，因去到真實情況，真係會有咁大聲得咁大聲畀人聽到，希望有人救你，我用盡全身嘅力，叫到塊面都紅晒，拍完後係需要好多糖分要飲汽水，血上唔到腦，仲有啲偏頭痛。我未試過咁出力，以前拍每個角色會覺得出咗200分嘅力，但呢個角色係出多咗1倍，因為係喺內在釋放出嚟，唔係外在嘅攰。」
至於在浴室中的內心戲，蔣家旻說難度高：「只有自己喺浴室裡面，望住塊鏡去剖白內心世界，好想喊好委屈，但係又要同自己講唔可以喊，因為琪琪呢個角色就係唔輸得好好勝。」
相片來源：無綫娛樂新聞台, tvb fb 截圖
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #美麗戰場 #反骨琪 #琪琪 #鍾家琪 #蔣家旻 #蔣家旻angelchiang #陳瀅 #葉念琛 #視后級 #李成昌 #強姦戲 #tvb #無綫 #台慶劇 #找數 #害人終害己 #奸到出汁 #港劇 #冇人性
Comentários