容祖兒在演藝學院舉行34 場《ANOTHER SIDE….JOEY•MY SECRET•LIVE》演唱會，首場樂迷按祖兒的呼喚，依Secret Life dress code，花盡心思外星人、王子等，加上相隔六年再踏香港舞台，樂迷當然更熱情。
演唱會分為七部份，第一部份是穿梭時空，分享她小時侯的SECRET，接著再跟祖兒上學堂，聽她說兒時及讀書的故事；第三部份則空間大轉移，10人大樂隊出場，與祖兒一同勁歌熱舞，分享她的平日於錄音室的最私密空間。第4至第6部份，就是祖兒的內心世界，分享好歌，也分享離港獨自生活的心聲，最後部份的點唱環節，是她即場抽出歌迷的點唱。
向來搞笑爆燈的祖兒，跟樂迷打招呼時說：「熟口熟面，又係呢個地方，又係呢啲人，大家覺得我有冇變呀？」當她發現走光，打底褲無所遁形時，她竟說：「哎，走去邊都睇到？(觀眾: 我想睇呀！) 哈哈，你又想睇？前面個啲開始流晒鼻血啦！哎吔，咁點呀，唔緊要啦，反正大家一家人，打底褲就係用嚟打底，就係預咗畀大家見到。呢啲咪就係SECRET•LIVE囉！哈哈。」
在樂壇大放異彩的祖兒，說自己既是歌手，又是中女一名：「有事業，生活無憂，但仲係一個人吊吊揈。」擔心祖兒吊吊揈的還有阿Sa，祖兒說：「佢有段時間，真係好瘋狂，佢應該係全世界最希望我得到幸福嘅人，最瘋狂嘅日子，係佢見到所有男人，都會落個『啱唔啱容祖兒』嘅filter，仲同我講：『你咁可愛又咁搞笑，我係男人我溝你啦！』」
有次Sa拉紅線介紹一位男士給祖兒，祖兒說：「我同對方，只係斷斷續續text好一段日子，都係個啲 : 加油，how are you之類啦，對方見我回多一兩次，就開始send自拍照畀我，報告自己生活狀況，我當時都驚一驚，但為左尊重阿Sa，我唔識回答，都留左個Emoji..... 點知佢竟然再努力，留言：『I miss you baby！』我真係嚇死，baby後仲唔停，仲話不如我哋一齊試下發展！你又唔了解我.....但對方不知何來嘅自信，竟然再同我講：『我已經睇晒你啲演唱會！好了解知我係咩人！』各位觀眾！睇完晒我演唱會DVD想同我拍拖？咁你哋由細睇到我大，我咪要同晒你哋？」
Comments