TWINS在紅館舉行的14場前晚圓滿結束，蔡卓妍（阿Sa）和鍾欣潼（阿嬌）於尾場傾力演出，勁歌熱舞後大派尾場彩蛋，即興「咀嘴」！每晚的握手環節，是由Twins挑選模仿她們經典造型的粉絲，當晚有男粉絲穿紅色Bra，阿Sa即嚇親：「阿生，咩事呀？我哋幾時有呢個造型呢？」阿嬌則笑言：「你係咪侮辱緊我哋呀？你著返件衫先啦。」
在尾場時，阿Sa及阿嬌把握機會盡訴心中情，阿Sa說：「呢22年，我要好多謝一個人，嗰個人企咗喺我隔離，其實無論係朋友，就算係屋企人都好容易會嗌交，更可況我同隔離嗰位係無血緣關係，咁樣都行到22年。」阿嬌又再發功：「Fake Twins！但唔知點解仲有人認錯我哋嘅。」引來全場笑聲。阿Sa續說：「中間經歷好多嘢，但係好感恩就係無論有啲咩事，我隔離嗰位朋友，都會陪我一齊去經歷，多謝妳呀。其實我有時都幾難頂㗎，我都知自己啲強迫症。辛苦妳了，頂咗我咁耐。」阿嬌則表示：「ok吖，我接受呀。係辛苦妳呀，辛苦妳接受我。」
上一次Twins演唱會，Joey飲醉酒上台，今次Joey沒有飲醉，但同樣亢奮，更不忘為自己和好姊妹謀福利，她說自己和Twins先後做完演唱會，想相約去旅行，阿Sa即問老闆楊受成：「係咪楊生畀錢呀？」Joey補充說：「所謂萬事俱備，只欠現金咋！」然後即場向老闆拜早年，最後成功「得逞」！
在慶功宴上，阿Sa笑言為演唱會忍口數月，故一完騷即飲汽水、飲珍珠奶和飲酒，並透露下半年她們會開巡唱，亦很想舉行一個side track演唱會。至於關智斌（Kenny）和Joey做嘉賓，Twins稱Kenny是臨時拉夫的，還爆當晚酒後上台兼做側手翻的Kenny，差點成為首位在紅館台上嘔吐的男歌手。
而阿嬌每場都爆金句，故有「金句嬌」外號，她笑指只是即興想的。之前因身體不適取消打側手翻的阿嬌，說現在連咬東西的力也沒有：「依家我嘅身體狀況亂到連廁所都去唔到，失手當日係食咗感冒藥，現在食嘢係吸入口，因為太肚餓，所以依家開始放假休養身體。」
Kommentarer