張智霖（Chilam）和袁詠儀（靚靚）今天（22日）齊以健康產品CATALO代言人身份出席活動，靚靚說很少在香港以夫妻檔姿態出席活動，更笑言自己已為品牌擔任代言10年，是時候老公來接力，擔任部分產品代言。
8月27日及9月4日，分別是Chilam和靚靚的53歲生日，Chilam表示稍後會到橫店繼續拍攝古裝劇《赴海山》，會拍至9月中，期間會返港與靚靚慶祝生日，問到是否預備送包包？他說：「今年唔送包包，因為要準備搬屋，但新居仍裝修中，太太話我黐線。」靚靚即指Chilam有潛質成為室內設計師：「我嚟介紹，矇查查 Designer。」Chilam自言性格超級腌臢：「太投入裝修，我發惡夢，夢入面問地板鋪好未，因為太投入裝修。」
當Chilam指希望年底入伙時，靚靚即說：「年底都入唔到伙就斬死你。」又指對方假民主，例如雖先問她裝飾設計上的意見，但最後其意見都是不被採納：「我已經放棄唔理，只要求睡房要夠光猛，因為唔夠光睇書睇電話，會影響視力，但佢又話唔想見到太多嘢，唔需要太多燈，我都有啲擔心！」至於是否豪裝？Chilam說不是錢的問題，是投放不少心血：「所以生日唔設宴亦都冇禮物，只會吃食餐飯或吃食飯盒已經好好。」
現年17歲的兒子「魔童」張慕童是小鮮肉一名，問到現在有否拍拖時，靚靚說：「佢成日話想，因見到啲同學仔拍拖，但又唔知點解佢好多諗法，我同佢講：『唔緊要啦，你當識吓朋友，依家做朋友，可能過多幾年就係男女朋友，都要俾啲時間大家相處下。』佢通常同Daddy講多啲感情事，但佢對於一啲異性諗法問題時，就會問我。」
Comments