「軒公」張敬軒炮製、在YouTube播放的《軒公敲碗Special》之「軒公水上遊樂場」，上下兩集已上架，由於軒公激罕地春光任洩，處男露點騷肌，以假爆肌樽領水着上陣，加上兩集內容超級爆笑，短短三日兩集的收看次數逾50萬，更雄踞YouTube的「熱爆影片」榜的第一名及第二名！
軒公說沒有想短片的反應如此熱烈：「拍嘅時候係玩得好開心，到睇到成條片，都覺得大家應該鍾意睇，不過就冇諗過兩條片一齊上埋熱門，衷心多謝大家嘅支持。」對於網民指他「走數」晒肌，他笑說：「雖然係『樽領衫』，個頸位真係連條頸都包到冚，但啲肌肉同其他啲接駁位做得好好，自己着咗上身後，仲要咁多人有萬眾期待嘅眼神，真係好似冇着衫咁，都係赤條條㗎，所以現場我係真尷尬。」
另外，軒公在IG上載感謝歌迷的短片，因歌迷為支持他的新歌《隱形遊樂場》展開不同應援活動，包括攤位遊戲及義賣，令他十分感動。本來他想到現場向歌迷致謝，但因開個唱在即，要全面實施避疫狀態，未能親身到場：「因為我要喺一個無菌嘅狀態下準備好自己，未來11個晚上都要有最好嘅表現，所以隔住鏡頭、隔住電話用自己個心去感受你哋嘅心意，我哋頭場見啦。」
Opmerkingen