top of page
  • 韓港報小編
    • Jun 3, 2023

【香港娛樂】林明禎生日宣布「有喜」　為買獨立屋　今年禁拍拖









大馬女神林明禎本月1日33歲生日，昨日（2日）她在香港出席活動時即場切蛋糕，說生日當天在工作中度過：「爆炸幸福！爆炸快樂！爆炸健康！」她更說當日收工後要急返家「叉電」補眠，因每天只有4小時休息，又笑言自己是「廉價勞工」，多勞多得。



林明禎自爆收到的3個生日蛋糕及鮮花全是女粉絲所送，又說生日當天冇人邀約，至於是否她「派檸檬」拒絕赴會，她笑說：「唔好問！」她說搬了新居，雖然有較大空間收納置，但仍不習慣，目標在香港買獨立屋：「我馬來西亞間屋係獨立屋，有花園可以種木瓜和菠蘿。」為求能盡快上車，現階段努力工作，暫時不想拍拖：「下年先拍拖。」



另外，林明禎在生日當天宣布做「新手媽媽」！推動海洋保育工作的世界自然基金會香港分會（WWF），展開為期三年的「珊海無盡」大型珊瑚保育計劃，與香港中文大學珊瑚學院合作，目標在三年內，在香港東北面水域拯救最少1000塊掉落的珊瑚碎片「珊瑚BB」，將牠們育養後放回海中。林明禎助養珊瑚BB成為珊瑚媽媽，並拍攝宣傳片呼籲大眾加入領養計劃成為「珊瑚保護者 」。



林明禎說：「來自馬來西亞嘅我，對海洋有莫明情意結，所以收到WWF邀請時，幾乎毫不猶豫答應，非常榮幸能為咁有意義嘅事出一分力，要修復珊瑚唔係遙不可及，但沒有大眾支持就難以持久。日前我去WWF海下灣海洋生物中心拍攝宣傳短片，有機會設計珊瑚底座，由中大研究團隊指導下，將拯救返嚟嘅1珊瑚碎塊移植去底座，再將放置喺WWF育養設施入面，畀珊瑚BB一個安穩嘅家。」



安置「珊瑚BB」的過程，令林明禎有莫名的感動，更親自餵飼「珊瑚BB」：「原來珊瑚進食時，珊瑚觸手會捉入去口再縮一下，好神奇！我非常期待我嘅珊瑚BB長大後，我再同團隊將佢移植到指定珊瑚修復區，回歸大自然的懷抱。」






Comments

bottom of page