MIRROR成員柳應廷Jer繼〈筆觸男孩憂鬱之死〉及〈約齊靈魂在墳墓開生日派對〉後，今日（22日）推出本年度三部曲的第三首作品〈月居人〉，也揭曉Jer今年系列歌曲的主角，原來是月亮！MV方面，找來電影《明日戰記》的CG班底製作。
Jer說：「三首歌其實好想講同月亮有關係嘅故事。〈筆》曲有句歌詞：『月有眼光和我拓荒服侍癮』，月亮喺MV入面係一個被動角色，喺漆黑之中做背景；〈約〉曲入面靈魂會『呼喊月圓』，主動同月亮講一啲說話；〈月居人〉我就化身飛上月球獨居老人。因為想做到孤單感覺，開端就只得一支電結他同人聲演唱，慢慢build up，去到後面宇宙大爆炸，節奏跟住加速，同時加入唔同樂器、聲音layers，令到結尾有一種世界末日，進入黑洞嘅感覺。」因梁柏堅的歌詞講述主角想寧靜過活，從地球逃離到月球，但人們為開發資源，入侵月居人的世界，結果免不了一場在月球上發生的攻防戰。
編曲方面，初時監製王雙駿未有告知Jer編曲者身份，Jer說：「最尾知道原來係恭碩良Jun，真係超級surprise！因為好耐之前有同王雙駿講過我好鍾意Jun嘅歌曲〈月球人〉，今次首歌某程度上係受到Jun呢首歌嘅啟發。」
恭碩良鼓技向來出色，今次為Jer編曲也畫龍點晴幫忙打鼓，Jer續道：「Jun不嬲打鼓勁係大家都知道嘅事實，但原來佢手結他同埋編曲都可以咁厲害！今次〈月居人〉裡面聽到嘅樂器，都係Jun佢自己，同一班樂手彈奏，營造出整體感覺，所以係好開心可以同佢合作。」Jer也期待日後能有機會與Jun合作交流：「唔知〈月居人〉同〈月球人〉可唔可以合作做一個crossover呢？」
從單曲封面可見，Jer的角色因為流浪太久，留了一頭長髮，黑髮變白：「MV搵嚟好多嚟自唔同地方嘅CG後製人員幫手製作畫面，有啲星體，戰艦，銀河系出現，喺我拍攝嘅時候只能全憑幻想去演。」因為CG製作需時，MV要稍後才可推出，Jer說到現在也跟大家一樣，未見到MV成品！
Comments