將在紅館舉行三場《梁詠琪 時間遇上我們》演唱會的梁詠琪（Gigi），為個唱連日排舞，雖久未跳舞，但在舞蹈總監Chris指導下，Gigi與舞蹈員相當合拍，即使面對高難度動作都能揮灑自如，而Gigi更預告每晚都會有特別嘉賓，更邀請多位設計師準備戰衣：「雖然而家只係睇到草圖，但已經令我好期待，所以近排份外注意飲食、操fit自己，務求着到件衫更加靚。其實我好鍾意食飯，但因為澱粉質會轉化成糖份，而家我會轉食蒟蒻飯，既飽肚、又有爬飯嘅滿足感，最緊要係健康。」
會在個唱上自彈自唱的Gigi，說是受到女兒影響： 「因為囡囡學緊琴，令我重拾對彈琴嘅熱誠，一個月前已經開始練琴，彈俾屋企人聽，但正所謂『瘦田冇人耕、耕開有人爭』，阿囡見我彈，會問：「媽咪幾時到我彈？但剛剛無人彈佢又唔彈喎，哈哈！」
演唱會進入倒數階段，Gigi忍痛決定「離家出走」搬到酒店暫住，專心準備個唱，令她感到好掙扎： 「做咗呢個對自己好殘忍嘅決定，因為要離開屋企一排、但又好需要嘅決定，我有同囡囡解釋，佢都明白，夜晚我哋可以face time，如果佢有中文功課唔識，我都一定可以教佢。其實反而咁樣佢會更加期待我個演唱會，到時可能會喺台下尖叫『媽咪，好耐冇見！』，哈哈！」
Gigi續說希望每位打算花錢送花籃到紅館給她的好友，將這份心意轉贈到意屬的慈善機構：「見到花海當然開心，但我更希望能轉化朋友的支持給有需要嘅人，會更有意義！」Gigi更準備巨型名牌掛在後台，以答謝每位捐款善長，感謝他們對自己支持，對慈善出一分力。
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #梁詠琪 #Gigi梁詠琪 #gigileung #梁詠琪時間遇上我們 #時間遇上我們 #時間遇上我們梁詠琪2023香港演唱會 #慈善 #離家出走
Comentarios