歌神許冠傑（Sam）在本月7日開始，於紅館舉行一連七場的《許冠傑此時此處演唱會2023》，大批圈中好友到場支持睇騷外，更有不少歌手排住隊擔任嘉賓。前晚（8日）第2場嘉賓是「軒公」張敬軒，Sam介紹他出場時高度讚賞：「係一位我好欣賞、現今年青一代好有才華嘅歌手，又靚仔又得意，唱歌唱得非常好，又識寫好多好歌。」軒公遇上歌神，甫上台即下跪以表示對Sam的尊敬。
和Sam合唱《世事如棋》的軒公笑說表演像考試：「其實今晚可以做Sam哥哥演唱會嘅嘉賓，係我整個職業生涯其中最重要嘅一晚，我冇諗過可以對住我們嘅許冠傑先生唱歌，你係我哋嘅神。」Sam聞言即「神」回指軒公是他的皇上，軒公謙虛的說：「喺你旁邊我係你嘅『小軒子』，噚晚我有睇你演唱會，今天又睇你綵排，唱歌對你嚟講係像與生俱來嘅事。好多錄音室前輩都話Sam寫歌好快，只要靈感一到，好快就有作品出嚟。」
軒公更說Sam對樂壇貢獻良多，他說：「例如七十年代初期，香港仍然以歐西流行音樂爲主，Sam哥哥好成功將一啲廣東話口語寫入歌詞，令到喺歌唱上可以將廣東話嘅Vowel（韻母）唱得更好，而且聽Sam哥哥嘅作品，就好似睇完一本獲益良多嘅書一樣。就好似《沉默是金》，喺我哋人生歴程中，好似一支好靚嘅紅酒，隨着我們嘅人生閱歷不停增長，歌詞變得越來越有意思，每一句變得越來越有智慧同深度。」接着他和Sam獻唱《沉默是金》，掀起另一高潮。
Kommentare