今日（23日）洪永城和梁諾妍在ig宣布，第二位小公主「Sirface 2.0」Beryl已在前日（21日）於荃灣港安醫院出世，重7磅2，並感謝醫護人員的照顧。
笑說Beryl有「SIR NOSE」的梁諾妍，稱因生第一胎時「震痛到瘟瘟沌沌」，所以今胎選擇剖腹生女：「當聽到妹妹出世嘅喊聲，我同洪爸爸都忍唔住，捉住對方隻手一齊感動到喊出嚟，呢個感覺太奇妙了，見到你足晒磅健健康康，成隻粉紅肉肉豬仔咁，媽媽倍感安慰。」
至於洪永城則讓Beryl在其ig首次「發文」，Beryl出生後第一個願望，就是要做「Mum Face」！她說：「我叫Beryl ，或者將來叫我洪啤啤都得，我21號喺荃灣港安出世，啱啱趕得切成為一個白羊女。頭先我都聽到啲姐姐話叫我sir face 2.0 ，我其實有啲唔開心，因為我想似我靚靚嘅媽咪多啲，我一定要做mum face 。我知道我喺媽媽肚入邊嘅時候跳跳扎扎，令到媽咪瞓得唔好，同埋原來我自己都幾有肉地頂住媽媽個胃，大個咗我一定會好好照顧媽咪同佢個胃。」
Beryl說要做個健康寶寶外，更稱要傳承家中愛犬Molly及姐姐為食又好動的優點：「所以我決定傳承佢兩個嘅優點成為一個又為食又好動嘅三妹，同埋我偷聽到爸爸話一定會帶我周遊列國去旅行喎，好嘢！」
コメント