四位After Class成員炎明熹(Gigi)、姚焯菲(Chantel)、鍾柔美(Yumi )及詹天文(Windy）在亞博出席貿發局舉辦的活動「潮活11」（Chill 11)，合唱《要為今日回憶》和《Not Givin' Up》，炎明熹獨唱《Crystal Clear》和《好想約你》，現場氣氛高漲，大批粉絲集氣應援。
再次合體唱團歌，Gigi說：「唱時有以前嘅感覺，仲好沉穩，可惜冇機會合唱多幾次，希望有機會唱100萬次。」Chantel指《Not Givin'Up》雖未有編舞，希望有機會再跳，Yum則說全員演出，有姊妹同心的感覺。
Gigi為劇集《新聞女王》主唱的片尾曲《透徹》，反應理想，網民跪求廣東話版，她說自己也希望很快會有，至於會否希望在《新聞女王》中飾演一角？她說：「我做新聞小卒，我對演戲有興趣，睇《新》劇時會諗，如果我跌入呢個新聞世界，自己會係點，大家有咩想法，可以留言畀我。」
對於在「叱咤我最喜愛歌曲」5強止步，Gigi笑言自己有「後備情緒」：「即係入到就開心，入唔到都唔會唔開心，唔好抱住必然，要順其自然，因為總有人入圍，亦有入唔到圍嘅因素，我都係唔講，太長氣，但唔好乜都唔做，唔好懶。」
本月21日是Yumi的生日，雖要為《聲夢飛行 What We Become Live 2023》演出，但獲學員送上蛋糕兼唱生日歌，Yumi說：「Gigi送咗一張咭俾我，咭上有隻狗狗，好似屋企隻狗，有個環保水杯，印有我最錫嘅狗狗Cha Cha嘅樣子，我好開心！Chantel送咗支香水我。」她說收到不少禮物，但因太眼瞓仍未拆開所有禮物，最驚喜是收到一本簿，是紀錄她由比賽至今，出席過每一個活動。
Chantel聽到Yumi說很眼瞓，即說自己一樣眼瞓，稱全日只睡了5小時，她笑說：「每日都想瞓覺，想冬眠。」她續說明年1月底會返新西蘭讀書。
Comments