炎明熹（Gigi）出席《好想約你～做善事》慈善活動，呼籲大家在YouTube收看新歌《好想約你》MV，因她代言的連鎖快餐店會根據收看次數，按比例捐款予香港認知障礙症協會。Gigi說常常參加學校安排的慈善活動及探訪，有次探訪護老院被老人家拉着傾偈，她更說已儲存了大批衣服作作為將來義賣之用：「我有好多公仔，都可以義賣，但我係好難斷捨離，尤其係公仔，有啲係由細陪到大，細個會攬住瞓。」
獲好評的新歌《好想約你》，Gigi說這歌想令她想起與父母相處的美好時光：「日常生活愈來愈忙碌，加上疫情關係，令我同父母更難見面，過去幾年只見過幾次，有時候同佢哋通電話機會都冇。唱呢首歌時好感觸，依家科技通訊同交通網絡都非常方便，想見邊個都易，但反而更容易令人忘記要珍惜，成日覺得：『下次總有機會』，我希望憑呢首歌呼籲大家留意身邊摰愛，要愛得及時。」
對於日前有網民指Gigi扮大牌要助手搬櫈開路，無辜被造謠的Gigi說：「我唔知點講，把口生響人哋度，應該要了解清楚成件事先再講會好啲，大家都有言論自由，所以冇所謂啦。我只係小市民，一粒塵咁樣，冇話大唔大牌。」
Comments