炎明熹（Gigi）、李爾晨、張美妮、麥玲玲及海俊傑等，出席音樂劇《戀上西沙》開鏡禮，炎明熹飾演海俊傑及美妮的女兒，並和李爾晨有感情線。Gigi透露要花5天拍攝，對於與李爾晨在劇中有段曖昧關係，至於最終能否走在一起，她大賣關子：「我覺得幾浪漫，因為未試過，所以都有啲緊張，會掂吓手仔，但梗係冇錫錫啦，因為每個人嘅戀愛都唔一樣。」
單身的Gigi，說對感情抱隨遇而安的態度：「暫時Focus喺學業上，可能見同學嘅機會唔多，因為分組上堂都係嗰班同學，同埋呢科都係女仔多。我一直等天降一個命中注定嘅人。我唔係主動型，如果有人主動追求，都會觀察對方一段時間，先進行一段關係，我相信時間證明一切，亦會先俾家人過目。」
至於擇偶條件，Gigi說不一定要靚仔，最重要是性格好及有個人魅力：「有人覺得彈結他唱歌好浪漫，我以前會咁覺得，但依家唔需要。」她續說心目中的戀愛，是雙方過平淡日子，感受到對方的愛意就夠。
Gigi的粉絲得知Gigi要拍感情戲後，對其「另一半」的身份非常關注，身為「另一半」的李爾晨說：「我冇諗咁多！enjoy今次拍攝，我都係第一次見Gigi，同埋我係有好重大任務，就係幫屋企人同朋友拎Gigi簽名！今次拍攝對我嚟講都好重要，因為第一次同Gigi合作，而且仲係男主角，係非常期待嘅合作。」
Comments