炎明熹(Gigi)、陳豪和《年少日記》的童星黃梓樂，今日(18日)在機場出席活動，Gigi所到之處，必定人山人海，現場有逾百粉絲到場。以一身白裙「女神Look」現身的Gigi，未有受近來和無綫的合約風波影響，並感謝「Gi炎粉」們冒雨來機場支持她。
對於有傳因未有跟無綫續約而被雪藏，Gigi說心情未被影響，也未有感到不快：「我冇唔開心，呢幾日心情都穩定，我唔開心嘅地方就係唱歌，如果有啲位表現唔好，我係會唔開心。合約呢方面比較私人，明白會有唔同嘅結果，因為呢個世界都未到末日嗰一日，都唔知道個結果會係點，而家大家仲傾緊。」至於為何無綫未有派員採訪，Gigi說可能是檔期問題，加上地點太遠。
問到父母對合約有沒有給予意見，Gigi說自己已經19歲，會嘗試自己去決定事情，一些重大事情如可以自己解決便自己決定，不想他們擔心。對於另一傳聞指有內地公司以天價斟過檔，Gigi說不知情，著大家把有關消息傳給她看。「當然唔同發展都係好事，但亦會係一啲壞事，所以我未知自己最終會點樣。(有人同你傾？)有先算，其實所有嘢我都想嘗試，因為每一個人嘅潛能，可能連自己都唔知。話唔定日後我去咗做空姐。」
Commenti