炎明熹（Gigi）登陸《愛‧回家之開心速遞》！自言一直是《愛》劇粉絲的Gigi，獲邀請加盟客串，並會在今晚（大年初五）登場，有指她在劇中的角色，和現實一樣，能參與演出的她說十分興奮，更自爆讀小學時已追看《愛》劇，她說：「我有追開《愛‧回家》，時間許可，我會準時八點鐘睇，睇完好開心，每集又會帶出一啲信息，我覺得好生活化。呢個處境劇我係由細睇到大，小學時係《八時入席》，之後再到後尾有唔同系列。」
Gigi說能和《愛》劇演員真正合作，感覺既榮幸又夢幻：「真係不可思議，冇諗過以前甚至依家睇緊嘅劇，會有機會遇到佢哋，雖然有時喺TVB會遇到大家，但唔會真係話傾偈嗰種。」她說在劇中最尊敬的角色是「熊樹根」劉丹，並爭取機會與對方合照：「我好開心可以加入呢個大家庭，因為我見到佢哋好似屋企人咁相處，佢哋會互相叫對方阿爸、家姐或者阿妹，佢哋亦都好照顧我。」
另一令Gigi感到有趣的地方，就是劇中的道具及廠景，拍攝時如進大觀園，令她感到不可思議，她說：「我一直以為新威龍廣場係一個真嘅廣場，然後Key個名落去，後來我知道原來係一個廠景，係特登搭出嚟，我覺得好神奇，同埋入面啲產品同店名都好得意，同埋個電梯真係好真。」她續說希望日後能多點拍劇，任何角色都想演！
留言