張敬軒
陳潔靈
汪明荃
王菀之
草蜢
凡有華人處，無不聽羅文。明天10月18日，是一代巨星羅文逝世20年的日子，過去20年，羅文的歌聲從無消失，《獅子山下》、《幾許風雨》等經典名曲，歷經幾許風雨，屹立到目前，無論是60後或00後，跨世代，同欣賞。聲線宏亮，吐字清晰，歌藝超凡，形象百變，舞台魅力只此一家；又是殿堂級，又是實力派，羅文這位地位超然的樂壇教父，在香港樂壇功高至偉，推動廣東歌發展，更是功不可沒。
日前在紅館舉行的《羅文•傳承 全城紀念演唱會》，集合多代歌手包括容祖兒、張敬軒、陳潔靈、汪明荃、草蜢、泳兒、王菀之及區瑞強等，獻唱羅文金曲懷念，並傳承一代樂壇教父的藝術表演精神。身為羅文愛徒的容祖兒，唱《掌聲響起》時感觸良多，因她1999年首次踏上舞台，是羅文力排眾議，堅持帶她上台：「老師排除萬難，唔理任何人，佢話：『我要帶容祖兒上台！』，我呢三年冇去紅館演出，今次亦都係老師帶我上台。我同老師嘅相處唔算係好長時間，但佢畀到我好多好多信心，佢對我嘅肯定同支持，令我一步一步行到今日。我從來冇諗過要離開舞台，記得老師話過：『呢個世界上最好聽嘅音樂，就係觀眾嘅掌聲。』」
身為羅文好友的汪明荃，笑言貪靚是受羅文影響：「佢每一首歌都係經典，佢都係我偶像，我經常睇佢嘅演唱會，佢啲衫靚到呢！佢成日同我講，最緊要靚，最緊要落本，所以我成日換衫都係學佢㗎咋！」
Commenti