《王雙駿 HATS ON 音樂會》是殿堂級音樂製作人王雙駿（Carl叔叔），結集不同年代合作無間的代表：軟硬天師、謝霆鋒、麥浚龍、柳應廷（Jer）、李駿傑（Jeremy）、吳林峰及Eason& The Duo Band。Jer打頭陣登場，獻唱《狂人日記》、《砂之器》及《人類群星閃耀時》，Jer說：「好開心今日我係第一個開場嘅嘉賓，出道到而家嘅歌，都係Carl叔幫我監製，就好似爸爸咁嘅角色，音樂道路上冇佢嘅指導，建構唔到Jer呢個人，所以今日真係好開心、好榮幸，可以喺呢個台為Carl叔表演。」
Jeremy接力登場送上《半》及《You First》，他感謝Carl叔叔為自己擔任監製，指雙方合作已踏入第三年：「去到今年已經係第三年，Carl叔叔一直畀好多信心我，因為我自己係個好冇信心嘅人。」Carl叔叔笑謂每次與他合作都可以自High：「每次都好似見到好多我嘅fans，見到好多個駿字喺度。遇上Jeremy好幸福，呢個年頭遇到有夢想嘅年青人唔容易。佢唔係淨係發夢，仲會去實踐，佢真係會擺晒120%落去，作為監製遇到呢啲歌手好筍㗎。」
麥浚龍與鍾舒祺合唱《成魔之路》外，更演繹經典作《雌雄同體》，Juno笑說：「我哋有幾多時間講嘢㗎？」Carl叔叔指每次與Juno對話，都以小時為單位：「好似少男咁㗎，我哋會傾電話，就算錄message（語音訊息）都6分鐘起標。」Juno聞言即鬼馬反擊：「我都有付出㗎，雖然我錄好長畀你，但係我都要撳住個掣㗎嘛。」Carl叔叔笑稱Juno雖「長氣」，但對方不理世俗，專注追求心中目標。至於近年甚少在香港開騷的謝霆鋒，帶來《潛龍勿用》、《玉蝴蝶》及《活著VIVA》，再掀高潮：「好耐無見，好耐無喺香港演出，好掛住你哋。」
軟硬天師林海峰（Jan)及葛民輝以Carl叔叔的招牌長髮及戴帽look現身大唱《老人院》，並大放笑彈，Jan介紹自己是王雙駿，葛民輝笑謂：「我係Carl。」又和Carl叔叔於台上合照，笑言是「三Carl同台」，然後又爆拉姑不時請Carl叔叔為霆鋒舉辦演唱會，阿葛模仿Carl叔叔的語氣，說：「今晚開呢個演唱會，好耐冇見阿仔，我好感激佢二話不說應承，本來諗住叫霆鋒嚟炒幾碟，點知佢唱咗成part。Jer又係好好，次次造歌都打千字文畀我，呢啲歌手簡直係監製恩物。」Carl叔叔聞言更正說：「嗰個係Jeremy呀！」台下再次哄笑。而陳奕迅獻唱《破壞王》，並與Carl叔叔分享成立& The Duo Band的經過。
コメント