MIRROR成員Anson Lo（盧瀚霆）昨晚（13日）和歌手鄭欣宜聯手打造《拉闊音樂會神の拉闊》音樂會，復團後首次演出的Anson Lo狀態大勇，跳足一個半小時，聲色藝俱全。傾盡全力忘我演出的他，騷後本來和欣宜接受訪問，但他甫落台突然胃抽筋，未能做訪問外，他痛得需要醫護人員攙扶。
花姐說：「阿Lo唔舒服，做唔到訪問，要拜托欣宜，唔好意思！阿Lo一表演完落台，突然間胃抽筋，痛得好辛苦，需要first aid嘅朋友幫手，抬佢入房，本來佢都好想出嚟（做訪問），但係佢唞咗好耐，都係頂唔順，所以我哋決定送佢返屋企先。」Anson Lo為今次演出，花了不少時間練舞綵排，加上又有其他工作，承受的壓力及體力消耗非筆墨可形容。
今日凌晨1時許，Anson Lo在ig報平安：「表演中段胃抽筋，辛苦工作人員在表演完成後在後台照顧我，大家不用擔心我，我會好奵休息的。」他更轉發一張場內神徒們用手機光營造的璀璨場面：「很美麗，謝謝你們每一位！」
欣宜受訪時盛讚Anson Lo：「佢好專業，每個人都有自己嘅擔心、工作上有不愉快事情，會有壓力，最緊要上到台時要pro，the show must go on，佢每一次都做到。佢跳舞真係好好睇，我把聲沙咗，因為排舞見到佢solo，忍唔住尖叫。」她說Anson Lo在開騷前只吃了一啖炒飯：「佢驚腫，可能佢好耐冇見大家，想落力啲表演。」
音樂會在亞博舉行，Anson Lo父母、MIRROR成員Edan（呂爵安）與Jeremy (李駿傑）、導演彭秀慧、歌手許廷鏗等前來觀賞，Anson Lo 與欣宜以一身軍服造型登場，大唱《Glitterfalls》及《一所懸命》，炒熱全場氣氛！Anson Lo 唱新歌《永順街39號》時更一度哽咽，三個多月未有在台上演出的他，多次說十分掛念神徒，之後更唱出《不可愛教主》等曲，唱《SexyBack》時更躺地自摸，令全場樂迷尖叫。
向來以「老公」稱呼Anson Lo的欣宜，反問對方為何不稱她做「老婆」，Anson Lo腦筋急轉彎，笑着回答：「人只有一個老婆，但到底係邊個，咁就要自己諗啦。」
相片來源：my903.com 商業電台fb, 網上截圖
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorhk #mirrorweare #神之拉闊 #神の拉闊 #盧瀚霆 #盧瀚霆ansonlo #ansonlo盧瀚霆 #AnsonLo #ansonlo #教主 #神徒 #AL #教主應援 #鄭欣宜 #JoyceCheng #joycecheng鄭欣宜
Comments