連日在紅館舉行《Fear and Dreams》演唱會的陳奕迅（Eason），踏入平安夜親自成就解鎖，因這是他出道以來第100場在紅館舉行的演唱會，Eason公布這紀錄時，全場瘋狂歡呼，Eason感謝現場樂迷陪他度過，並笑說：「我哋一齊慶祝！畀啲掌聲你哋自己！好似網球員咁，第100場咁...結果輸咗咁點？哈！都係照慶祝囉，冇咩所謂，音樂仲好，音樂係冇輸贏，有時係啲人搞drama，話吓邊個好啲差啲、佢音長啲短啲，其實音樂係講feeling。」
Eason說：「好似啱啱開場忍唔到笑，有個音都唱錯咗，唏！過咗就過咗！呢個騷講緊『Now』先係最緊要！係咪100都唔緊要，你哋喺到，已經係最緊要！就係咁簡單，希望大家如果有啲驚、有啲唔好嘅嘢，今晚有啲好嘅能量，你哋可以吸到返去。我會繼續做好本份唱好歌。 」
在安歌環節，Eason帶來驚喜，清唱《Silent Night》的德文版《Stille Nacht》，全場瘋狂拍掌叫好，他一度搞笑地扮完騷走人，之後獻唱《瑪利奧派對》來完結。不過觀眾不捨得離場，並不停趻地嗌Encore接近15分鐘，最後Eason被熱情打動，破例出場！
Eason一上台即笑說：「你哋好賴皮！我衫都換晒，你哋想點呀？你哋聽日唔洗開工呀大佬，我要番工，仲有一半（餘下場數）呀！你哋傳咗出去就真係大件事！今晚係例外，我聽日狠啲，衫都唔換，截架的士即走，乜都聽唔到！哈哈！你哋真係好嘢呀！竟然九成人係到！」最後以《明年今日》一曲來圓滿作結。
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #陳奕迅 #EasonChan陳奕迅 #Eason陳奕迅 #easonchan #easonchan陳奕迅 #吹臣 #吹神 #陳大師 #陳奕迅演唱會 #FEARandDREAMS #fearanddreams #easonchanconcert #明年今日 #stillenacht #平安夜 #成就解鎖
Comentários