無綫花旦張曦雯以露背裝出席活動，對於憑劇集《白色強人II》角逐台慶頒獎禮視后寶座，她竟懵然不知有份提名，說未有留意，更打定輸數認為未必得獎：「因為覺得應該冇乜機會，我都係收到通知要去頒獎典禮我就去，獎項係睇時機，睇吓好唔好彩。冇諗過會攞，身邊嘅朋友冇特別同我講，所以外界呼聲都唔係好大，都冇乜機會。」
同場的羅子溢日前在IG分享和太太楊茜堯及女兒參加學校旅行的全家福，少有公開女兒的正面照，他說：「啲相係我影，覺得影得好靚，所以好想擺出嚟。不過見到網民話囡囡靚女，同埋話似我，我都有啲安慰，希望佢將來好似張曦雯咁靚去選美。」他續說希望女兒將來大學畢業時，他仍能保持年輕貌：「希望將來囡囡唔好嫌棄我，仲肯拖我手，畀人誤會我係男友，就更有成功感。」
Comentarios