推出新歌《與自己和解》的許志安，日前舉行《ONGOING新歌發佈會》和過百名歌迷共聚。久未露面的許志安在發佈會上，不單演繹新歌，更帶來4首舊作《一千次日落》、《星河感覺》、《心靈相通》和《苦中作樂》。他說希望藉著自己和歌迷都喜歡的心水作品，為大家帶來美好回憶，期間現場歌迷大叫「好掛住你呀，安仔」、「由細聽到你大」、「幾時開演唱會呀」，更有歌迷帶著兒女來支持。
說到全新歌曲《與自己和解》時，許志安一臉感慨的，稱每個人在面對人生起伏時，最好的面對方法，便是從中如何對自己了解更多。「以前我會為一些事情同工作特別搏命，但隨住人生愈沉澱，愈明白到有乜嘢事同人先係最重要。十幾年前，我喺一個騷上，因為唱錯一個音，之後匿喺廁所幾個鐘唔肯出來，而家知道做人唔可以成日咁執着，要搵到方法去面對自己，先可以向前行，向前望。」
許志安續說早前去脫智慧齒，從中得到啟示：「我本來打算喺發佈會後先去剝牙，最後都喺演出前剝咗，以前自己好易有負面想法，譬如剝咗牙又會擔心會唔會面腫，由此就得到一個啟示，就係人生好多事其實係計劃唔到，應該好好去感受人生有乜嘢對自己先係最重要。」之後他接連演繹舊作《日落旅館》及《雨後陽光》，全場 站起來大合唱，被場面感動的他更獻唱《心血》、《一丁點》，以及祝福歌迷的《前程錦繡》。
Comments