男團MIRROR成員柳應廷（Jer ）在過去三年和小克及王雙駿聯合製作十首歌，最新歌曲《坐看雲起時》就是第十首，並專程到日本京都拍攝MV。Jer說：「今年嘅三部曲係base on日本庭園裝置藝術枯山水去寫個故仔：男主角經歷感情創傷，由第一部曲《離別的規矩》再到第二部曲《自毁的程序》，到今次《坐看雲起時》，某程度上男主角係走入死胡同，最尾放唔低情緒。《坐看雲起時》其實係上天想同男主角講嘅嘢：『面對乜嘢都好，其實世界咁大，人生咁長，唔好再轉牛角尖。即使對方離世，都會喺上天祝福佢。』不過好多嘢都係選擇，男主角最尾都係選擇跳返入去深淵。」
選擇去京都拍攝，因為《坐看雲起時》是三部曲最後一塊砌圖，想回到歌詞中所指的日本枯山水地方去拍攝：「枯山水當中曲線同直線分別代表男同女，線條嘅相遇碰撞，好得意，好似男女關係。」
不諳水性的Jer，拍攝mv時要拍浸浴缸，甚至在鴨川的河澗拍落水鏡頭：「浸完兩幕之後有脫水感覺，更有少少頭暈身㷫，好彩休息一日都冇事，但睇完畫面覺得好值得。」他續說mv內出現的結他、襟章等，都有他之前作品的影子，如《離別的規矩》出現過的獨角仙、《自毁的程序》的向日葵。
三年，十首歌，三部曲，Jer說感覺猶如完成人生里程碑，說：「依家好想將呢十首歌出一隻碟，變咗一幅好完整嘅藝術品，同公司已經商量中，好快達成呢個願望。」明年他希望給歌迷看到他另一面向，由於入行前他是夾band，所以想明年可以試band sound。
Comments