郭富城
鄭秀文
魏浚笙
ANSONBEAN（陳毅燊）、洪嘉豪、魏浚笙、廖子妤、李靖筠及雲浩影。
郭富城和鄭秀文（Sammi）出席周生生珠寶概念店揭幕活動，同場嘉賓更有魏浚笙、洪嘉豪、廖子妤、ANSONBEAN（陳毅燊）、李靖筠及雲浩影。成為全城熱話的電影《正義迴廊》，監製翁子光大爆找投資者時常碰壁，找「K先生」洽談相助時，對方爽快的說：「聽日過畀你！」二話不說借出100萬元，引來網民競猜誰是K先生，而曾跟翁子光合作《踏血尋梅》的城城，以及近年致力推動港產片的古天樂成兩大嫌疑人！
城城否認是K先生，稱會調整片酬來支持新導演，城城笑着反問：「點解佢（翁子光）唔開名呢？（網民估係你？）唔係我，我冇投資電影，咁已經水落石出啦！我完全唔識投資，你叫我投資，真係頭都大埋。都係做番自己鍾意做嘅嘢，演員同歌手。經理人清楚我，交晒畀佢處理，佢知道點樣調整同埋有共識，如果有新導演搵我，唔會用天價片酬接拍，以示支持。」他說已入紙申請紅館明年年尾的檔期，對於ERROR有意邀請他做演唱會嘉賓，他說不清楚，要問經理人。
佩戴鑽飾現身的城城，說受太太方媛影響，近年也愛上鑽飾︰「當自己年紀再成熟啲，都會揀啲優雅嘅鑽飾，戴咗氣場都好啲。」他說每年會送鑽飾賀太太生日，也會送兒童鑽飾給女兒，問會否幫女兒儲定嫁妝，他說：「交畀太太，佢30幾歲仲年輕，依家享受戴鑽飾，等囡囡年紀大啲，佢到時再交畀囡囡，可以輪流戴。」
【Sammi唔恨安仔送鑽飾】
Sammi接拍新晉導演賈勝楓執導的《流水落花》，她自爆是零片酬︰「係免費幫佢拍，成件事意義好大，第一好想幫香港新晉導演，第二我相當鍾意個劇本，所以乜都冇考慮就拍，我唔及古天樂咁叻同有能力投資，所以用呢個方法回饋電影圈。」自言愛用首飾襯衫的她，被問到老公許志安有否送她鑽飾，她說︰「我鍾意食飯多啲，或者去旅行，飲吓酒，到肚好似開心啲。」
【魏浚笙洪嘉豪組「笙豪CP」】
大讚城城靚仔有型的魏浚笙和洪嘉豪，近日和張敬軒合拍電影《超神經械劫案》，洪嘉豪爆魏浚笙不時窒張敬軒，魏浚笙說：「真正嘅朋友係唔怕窒，如果窒唔起，friend極有限，我當軒公係真正朋友，豪哥不嬲都係朋友兄弟，因為有豪哥在場，佢把口都勁，加埋我就天生一對，我哋係『笙豪CP』。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #郭富城 #aaronkwok #SammiCheng #鄭秀文 #魏浚笙 #JeffreyNgai #洪嘉豪 #kaho #Error #正義迴廊 #翁子光 #K先生 #周生生 #古天樂 #ANSONBEAN #李靖筠 #雲浩影 #廖子妤
Comments