鄭伊健去年在紅館舉行一連九場的《HERE AND NOW 鄭伊健演唱會》一票難求，直至今年年初疫情緩和，更開始積極籌備到世界各地巡迴演出，繼四月在澳門為巡唱揭開序幕後，七月伊健帶同小師妹Feanna黃淑蔓，飛到美國三藩市及洛杉磯演出。
由於相隔4年未有在三藩市開騷，而洛杉磯一站更是「零的突破」，是伊健從未在當地開唱，雖然未出發先興奮，但因時差及舟車勞動，加上當地天氣乾燥，因而令伊健身體不適，出現感冒病徵。
雖已爭取時間盡量留在酒店休息，但在洛杉磯的Pechanga Resort Casino演出時，伊健有感力不從心，為自己的表現未能做足一百分而向現場觀眾致歉：「同大家講個唔好嘅消息，但可能有啲人都發覺到，其實我第一次嚟呢度開演唱會，我好興奮，但幾日前，我病咗，對唔住！對唔住！不過唔緊要，病係可以控制，我會盡我所能，你哋可以放心，三年嘅疫情我哋都過到，呢個病唔會難到我嘅，今晚我要做好呢個show。」
全場觀眾的掌聲及歡呼聲不絕於耳，為的是要替伊健打氣，而伊健雖抱恙上陣，但無論情深演繹慢歌，又或要應付連場跳唱，仍超級賣力。完成美國兩站巡唱，伊健說感謝台前幕後付出的努力，而擔任嘉賓演出的Feanna，更加入和音團隊：「我第一次去美國，勁開心！多謝伊健，我有讚佢好靚仔，哈哈！同埋今次呢個trip，我見識咗好多，又有機會去環球影城同埋迪士尼，仲食咗好多日牛扒，食到勁飽。」
Comments