鄭伊健希望個唱為港人帶來正能量。
預祝55歲生日。
伊健支持太太蒙嘉慧去日本讀書。
伊健開騷掀起搶票潮。
於周二（4日）55歲生日的男星鄭伊健，牛一前宣布在11月於紅館舉行6場《HERE & NOW 鄭伊健演唱會2022》，希望在疫情中，為港人帶來歡樂。相隔3年開個唱的伊健，說去年已拿下紅館檔期，但因疫情而延期，更說全公司投票下舉腳贊成開騷：「惟獨我一個唔贊成開！我不嬲都係咁，成日都話不如唔好做，不過今次希望大家有啲娛樂，開心吓，發放正能量畀大家。」
伊健首次以三面台形式舉行演唱會，他說：「主題圍繞呢幾年嘅世界，希望視覺上做到好似睇緊一套Live電影咁，有少少抽象，係幾得意嘅！」問到今次開三面台，是否與之前MIRROR的演唱會意外後，政府收緊措施有關？他說：「係，但我唔想多講，始終事件未完。我哋最先決定的確係四面台，但既然政府修改政策，我們就轉一下，總之唔會令大家失望，會做到四面台嘅氣氛。」雖然伊健身材健碩，不用為騷前刻意減磅，對於太太蒙嘉慧投訴被他取笑太肥，他說：「冇呀，佢強壯啫，有分別嘅！我好坦白，肥就係肥，強壯都係好事，但強壯後唔再操就變肥，你明唔明？」
蒙嘉慧近年常在日本福岡經營房地產生意及讀書，伊健說曾飛到當地探望：「太耐冇見係唔得！」雖然要分隔兩地，但伊健十分支持太太：「我好贊成大家去旅行睇多啲，呢幾年聽到好多人話想去第二度住，其實可以諗得輕鬆啲，一生人咁長，可以試吓悠長假期，去望吓個世界係咪真係適合自己，係有權去選擇。」伊健說現在的心境是無欲無求，即使今次開騷，都只是想觀眾感染快樂及有正能量，至於會否跟「古惑仔」陳小春及林曉峰等參加內地真人騷，他承認獲邀請，但暫時未有這個想法。
Comments