華語樂壇天王陳奕迅（Eason）在馬來西亞舉行三場《Fear and Dreams 世界巡迴演唱會》，門票甫開售即被秒清，可見相隔六年再到大馬開唱的Eason魅力驚人！身在當地的Eason更抽空享受當地美食，今日凌晨在ig分享食雞翼相：「多謝馬來西亞嘅朋友！我食住雞翼練肌肉啦！」
演唱會現場過萬名樂迷不時跟着Eason大合唱，Eason唱《幸福摩天輪 》時，樂迷的歌聲大到連戴着耳機的Eason都聽到，他被現場的熱情及歌聲感動得不禁停下來，欣賞樂迷的歌聲。Eason笑說：「計計吓，我原來已經六年冇嚟大馬！」隨即自打屁股多下，他續說：「我第一次喺馬來西亞開騷時， 應該係喺National Stadium，個度係咪坐多啲人？下次我去個度開啦，做咩今次開三場，哈哈哈！一場夾埋差唔多人！好多謝大家，我知道你哋搶飛搶得好辛苦。大馬真係好熱！原本已經跳到好熱，但你哋嘅熱情令到我更加熱！」
由於當地比較保守，Eason即使再熱至大汗淋漓，都不能當眾除衫半裸，在encore部份時他邊換Tee邊不停叫: 「真係好熱！」，即有不少歌迷瘋狂叫他除衫。怎料Eason忍不住：「你畀我唱埋隻歌先啦，好煩，哈哈！」話口未完即除，但有趣的是，原來他是「打底王」，還有一件tee打底，即令全場爆笑！此時有歌迷大叫:「除咗佢！送俾我！」Eason笑說：「哎吔！好老土，你哋一陣拋番上來嚟，我咪好瘀？」隨即他把上衣拋向觀眾席！
有歌迷高舉應援橫幅「特別鳴謝你製造 更歡樂的我」，逗得Eason 非常開心，期間有歌迷大叫：「我老公鍾意咗你好耐！」 Eason即笑問：「多謝你老公！你老公係咪鍾意你之前、已經鍾意我？我勁過你！雖然你嫁咗畀佢，但係佢鍾意我先！」
Comments