歌手陳慧琳（Kelly）昨晚（30日）追月夜在澳門銀河綜藝館舉行《陳慧琳 Season 2 演唱會 澳門站》頭場，相隔4年強勢回歸，Kelly狀態大勇，連場跳唱炸爆舞台。在開場時以黑色戰袍配金色后冠登場的Kelly，聯同16名Dancers在白屋前載歌載舞，唱出《Ask》及《都是你的錯》，期間更脫下戰袍與后冠，以一身金色泳衣款式的舞衣示人，超高衩舞衣展示Kelly修長美腿。
Kelly問台下Fans：「型唔型呀？鍾唔鍾意呀？請俾多啲掌聲跳得咁落力嘅Kelly Troop！好耐冇見喇！上次嚟澳門開Show已經係2019年，4年裡面變化好大，發生好多事，但你哋對我嘅支持有冇變到先？」這時Fans都報以熱烈的尖叫及歡呼聲。
Kelly續說：「今次演唱會叫Season 2，亦代表住我嘅重新出發，呢個演唱會應該Show一個進化咗嘅我出嚟，即係Kelly 2.0，因為唔進化就退化，所以可能亦因為自己係處女座，不斷Chur自己，拎最好嘅嘢出嚟。」Kelly發現Fans來至不同地方，除了澳門及香港外，亦有來自台灣、北京、上海、廈門、青島等地。
Comments