陳瀅說前度向她動粗。
劉佩玥爆某男藝人渣男行為。
陳曉華指前度要求享齊人之福。
蔣家旻爆男友曾跟閨蜜暗交。
掀全城熱話的無綫台慶劇《美麗戰場》，導演葉念琛和一班演員陳瀅、蔣家旻、劉佩玥、陳曉華、林盛斌（Bob）等在無綫網上平台《See Saw先》的《乜戀都有》大談「渣男」話題。
Bob直問陳瀅有否遇上渣男，陳瀅即說：「有，一定有，佢打我。我唔敢還手，佢大隻過我，咁大力點還手？如果我還手，我會係入院囉！當時佢有少少醉，我唔記得佢為咩發脾氣，可能佢覺得男人唔可以郁手，所以佢郁腳同郁頭，好似踢咗一下我隻腳，佢個頭好鬼死硬，我個頭好痛，當時係好驚，過咗一排先分手，如即係分手我仲驚，會有生命危險。我冇做錯嘢，係佢醉，所以從此之後我好討厭同太鍾意飲酒嘅男仔一齊。」
自稱很少遇渣男的劉佩玥，說聽聞某男藝人的渣男行徑：「佢對A貼心照顧，見B病會陪去醫院。」Bob追問A和B是否圈中人，劉佩玥說：「係，最後A同B發現係同一個人，但其中一個仲想一齊，因為佢覺得大家都未拍拖，其實係好蠢，之後清晰番就冇一齊。」劉佩玥稱該男藝人依然在圈中，其花弗行徑人所共知，她說：「人嘅性格好比佢嘅星途，都係麻麻地，我覺得係有報應，而家嗰兩位女士都ok。」
至於陳曉華則說曾發現前度的床邊有女性內衣，但前度聲稱是舊愛留下，但翌日再發現有另一款內衣。分手後，前度另結新歡，但未幾主動向陳曉華求復合，稱會跟新歡分手，陳曉華說：「但佢第二日同我講：『而家分唔到手，不如我哋一齊住先！』嗰吓我即刻叫佢走！」蔣家旻說遇到前度「最渣」的一次，是她和對方處於冷靜期時，男友卻跟她的閨蜜私下拍拖，而該閨蜜扮若無其事，更和她分析感情問題外，更說前度現在繼續跟該閨蜜拍拖，竟不時私訊她。
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #陳瀅 #jeanniechan #jeannie陳瀅 #劉佩玥 #劉佩玥moon #陳曉華 #陳曉華hera #herachan陳曉華 #蔣家旻 #angelchiang #美麗戰場 #渣男 #男人打女人 #無綫 #TVB #seesaw先 #劈腿
圖片來源：陳瀅ig, 《seesaw先》截圖
Comentários