天王黎明（Leon）去年7月在紅館開個唱後，在零先兆下突然宣布在今年12月17日及18日，於中環海濱活動空間舉行《Drive In Ultra: LOVFINITY Vivienne Tam x Leon Lai Fashion Concert》，給廣大樂迷送上驚喜。向來愛突破創新的Leon今次搞搞新意思，原來這次開騷是集合時裝展及演唱會，相信屆時Leon不單打扮型爆又靚仔，更有大量靚衫睇，靚人靚衫靚歌，perfect！
票價是$1,380、及$980，另外更設有 $13,000的「車輛套票」，每部私家車最多只可容納4人。指定的信用卡客戶可在11月14日至16日優先訂票，公開發售日期是11月18日，相信今次開騷一定掀起全城搶票潮！
有傳媒報道指去年鄭中基在中環海濱舉行自駕演唱會，車輛套票為$6,000，今次黎明演唱會的車輛套票是$13,000，主辦單位發言人指預計入場的汽車位於有60至70個，上次鄭中基的車輛套票票價較低因是屬於「體驗價」，是香港首次有自駕看騷的安排，而今次的車輛套票價錢是回到正常水平。發言人更稱今次開騷形式類似Victoria's Secret時裝展，會以Leon為主，再加入fashion show概念及自駕露天睇騷，絕對是全球首次。
Comments