香港男子足球代表隊寫下歷史，於第19屆杭州亞洲運動會中接連晉級，刷新參與亞運以來的最佳成績，今日（7日）下午4時與烏茲別克爭奪銅牌。眾志成城為港隊打氣，身為「港隊飛人」的KINGSUM（姚敬琛）運動員出身，當然全力支持港隊男足，他說：「運動員付出嘅努力及汗水，係筆墨難以形容，港隊男足喺亞運創造佳績，打到去銅牌戰，證明香港足球員嘅水準高。我身為運動員，絕對戥佢哋開心同感動，無論今日成績係點，我相信無論係我，或喺港人心目中，佢哋已經贏咗！」
近日參與講波行列、被網民力讚做足功課兼封為「最索曼城迷」的Ching Q，雖然是曼城忠粉，但她說同樣留意港足的動向，直豎拇指力讚港足：「我唔係只睇外地波，香港足球都會睇，最深刻印象係前鋒安永佳，同埋後衛曾以行，全隊超有拼勁。打到去銅牌戰，完全係歷史性一章，真係好興奮！我已約咗朋友下晝去跑馬地馬場睇波，大家一齊集氣打氣，氣氛咁high，睇得仲開心！」
香港賽馬會今日（7日）下午3時至7時開放跑馬地馬場，給公眾人士免費入場觀賞香港對烏茲別克的銅牌戰賽事，眾志成城為港隊打氣，期待再創歷史！而馬會轄下全港88間場外投注處、會員會所（The Hilltop in The Valley、沙田會所及雙魚河鄉村會所（僅開放予會員及同行賓客））、雙魚河馬術中心 （僅開放予會員及同行賓客），以及屯門公眾騎術學校亦會直播杭州亞運賽事。
Comments