古天樂與網絡紅人混血肥仔再度攜手合作《古生 x Uber Taxi 解圍專車》並拍成短片，古天樂用一程Uber Taxi的時間，幫幸運被選中的乘客解決生活難題外，更爆出不少搞笑金句如「我就係唔識先要讀書呀嘛，阿媽！」等外，又展現感性一面：「今時今日有邊個係冇難題㗎？」、「係咪做緊你夢寐以求嘅嘢先係最重要」引發共鳴！
有四位幸運兒被選中，獲「古大師」親自解難！幸運兒之一的大學生Ella，因攻讀護士系要兼顧上學與實習，日睡三小時，最大的難題是不知道如何回應家屬提問，同時亦不敢表達自己意見。混血肥仔笑言：「你用返佢平時答記者嗰啲答案囉。」古天樂即時「上身」說：「我唔回應！『個病人點呀？』我唔回應！」
2號幸運兒是在職媽媽Isabella，其難題是教囝囝做功課的時候，自己經常忍不住發脾氣：「我好忟，好辛苦，講極都唔明，最嬲試過攞起佢成疊功課拍枱。」古天樂聞言即說：「『我就係唔識先要讀呀嘛，阿媽。』」
至於另一位是正考慮轉工的Ka Wai，她說想轉做關於社交平台的工作，古天樂坦言經營社交平台不容易，提議她換位思考認清選擇：「如果你轉咗，嗰啲嘢會令你無晒時間。你調轉諗吓，轉咗工會衍生嘅問題，又係唔係你想要先？」
最後一站，兩位「解圍師」到尖沙咀接載酒吧老闆Ka Kit，其難題是要面對市道不景加上資金見底，其次是租辦活動的場地遇到問題，更出現拆夥危機。古天樂一招點出問題核心：「你點解覺得搞活動可以幫到酒吧？你又唔係喺嗰度賣酒。」經過一輪追問，Ka Kit才透露想建立地下文化的品牌，古天樂反問他為何不直接做專門推動地下文化的唱片公司？他說：「嗰個酒吧，你都唔係諗住做大生意，根本都多鬼餘，執咗佢啦，嘥晒啲時間。」
Comentarios