MIRROR人氣王姜濤昨晚（11日）為其主演的電影《我的天堂城市》，和女角宋芸樺及李嘉文等出席首映禮，大批「姜糖」在場強勢應援，場面震撼！姜濤被問到對票房有否信心時，他說會以平常心看待，沒有想過刻意去谷票房：「只係希望大家睇得開心，有所啟發，慰藉心靈，成為動力去達到目標，票房幾多係無所謂，做得好有好結果，做得唔好就係自己做得唔好，平常心。我可能出席多啲公開活動，會出多啲歌，因為啲fans話少，咁我勤力啲。」
姜濤首次和宋芸樺合作，但未有同場對手戲，姜濤謙說自己不大擅長演戲，有機會合作已很開心，至於宋芸樺說想邀請合演動作戲，他說：「我身體唔係幾好，我盡力，為咗打戲都可以操下自己。我心裏面有講：『我細細個就睇你』，唔敢講出嚟，佢對我嚟講，真係喺電影行出嚟嘅人，感覺好神奇，睇到已經好開心。」
MIRROR早前遠赴澳洲拍攝團綜，姜濤直言難得有機會全員聚首，十分珍惜大家聊天的時間，問到有冇傾到喊，他幽默的說：「有，不過大家都大個咗，冇易喊，當然有個別成員好易喊，姓Jer嗰啲，高啲嗰個。最深刻係坐熱氣球，大家都係第一次坐，喺上面都有人喊，因為好感動，跳舞好叻嗰位。」
另外，日前炎明熹開個唱時演繹姜濤的歌曲《Dear My Friend,》，姜濤表示感到榮幸：「好榮幸佢揀我呢隻歌，因為表達到佢自己嘅故事，所以都好開心。」
Comments