有「學霸甜心」之稱的人氣網紅Kylie C.（鄭杞瑤），以及剛在韓國《Asia Model Festival》大賽中勇奪「Face of Asia Top 10 Models」及「美肌大獎」的 C Lam.（翟司琳），今日（11月20日）齊齊出席信和集團奧海城商場「Goal Together全城開波！」開球禮活動。Kylie C.早前於球評節目分享英超大戰阿仙奴對利物浦的心水貼士，找來大量數據力撐愛隊阿仙奴sure win，更作驚人的「神預測」，連波膽3:2都中埋，更是在今季第5次貼中，不少球迷大呼她是有真材實料的「波」神！
⚽️Kylie C. 撐德國睇好阿根廷
Kylie C.熱愛睇波，因有個愛睇波的爸爸，細個時就跟爸爸睇世界盃，睇波資歷逾10年，是真正球迷。「我今年已經約咗班朋友齊齊睇波，始終人多睇波熱鬧啲！我最支持嘅球隊梗係德國隊啦， 由細到大都係撐德國嘅，今屆最睇好。 但係你問我邊隊冠軍呢，我覺得應該係阿根廷，因為我都想美斯喺佢嘅足球生涯攞番一個佢自己嘅世界盃冠軍。」
而「仙氣女神」C Lam.的足球熱情雖然不及Kylie C.，但原來一樣有睇開波，「已經約咗一班朋友到時去佢哋屋企開party一齊睇波，始終係四年一度盛事，一定會睇。」
Kylie C. 至支持的德國隊抽中死亡E組，同組分別有西班牙、日本、哥斯達黎加，西班牙和德國正面交戰絕對令足球迷血脈沸騰。
【想知最HIT最爆香港韓國娛樂動態？LET'S GO《韓港報》！www.khongkongdaily.com.hk】
Comments