陳慧嫻40週年演唱會《The Fabulous 40 Priscilla live in hong kong》第二場嘉賓是AGA江海迦當嘉賓，圈中好友梁詠琪、草蜢蔡一智、黎瑞恩、溫碧霞、周汶錡，GIN LEE等都來支持陳慧嫻。
頭場陳慧嫻唱完《明日有明天》後，因為公主裙太重，加上高跟鞋踩到裙腳，不小心在台上華麗跌親，第二場她小心翼翼唱完《明日有明天》行去台中後，即開心的說：「我終於成功冇仆低，真係有人咁問：『跌倒咁靚？』真係有冇良心㗎？哈哈，我要玩都唔玩自己啦，雖然我每日都食四粒鈣片o者，點會喺呢度玩仆親？場場都要仆親，咩年紀呀？會跌碎骨㗎。不過何丙我哋噚晚真係公主王子。你哋應該買第一場呀，有個咁靚畫面。哈哈。」
陳慧嫻又大讚音樂總監何丙：「有公主，當然有王子，我覺得何丙其實真係一個天才，係音樂上面，佢將我好多嘅經典歌曲，重新再編排過，多咗好多時代感，亦不失原曲的味道，我覺得只有你才做得到。多謝！多謝！多謝你！我哋識咗幾年？上次9年前到依家，我可以講冇人好得過你，我咁講會唔會俾人打？哈哈....下次冇人再同我合作，但係何丙真係幫我係音樂上面幫加註咗好多好多新元素，暫時來講，真係只有何丙做得到。」
當嘉賓的AGA跳完《跳舞街》後即擁抱陳慧嫻，陳慧嫻說：「AGA係我舊唱片公司嘅同事嚟嘅，2013年認識，有次聽到首歌，咦？好好聽，唱到我我好心噏，『I am so sad I am so sad，I am so sorry….』唱到我心入面，我即刻問咁好聽，有冇得改編？唱片公司同事話，唔得㗎，呢首歌係你同事㗎，佢自己會唱番中文㗎。AGA真係好叻，佢又識得作又識得唱，佢嘅歌曲俾我嘅感覺係獨一無二，有佢自己嗰個signature響度，我就同阿舒文講好希望AGA可以為我作一首歌，終於等到2024年我先得到，哈哈。」
「今日我好開心佢來為我做嘉賓，因為其實AGA最近有耳水不平行，唔舒服，我叫佢不如唔好嚟啦，但係佢唔肯，話答應咗一定要到，我叫佢唔好跳《跳舞街》我都仆親喺個台到，我怕佢耳水不平行，跌親唔知點算。」
AGA表示，答應得一定要到，好開心能夠擔任呢次嘉賓，「慧嫻姐姐我好感激你，因為我剛入行，做創作係起步時真係唔知自己好唔好，出面有冇人鐘意聽，但係得到你嘅祝福同鼓勵，，你比左好多信心我，好感恩係呢個舞台入面為你做嘉賓。」
Commentaires